«Բանասիրություն, տեխնոլոգիա, թարգմանություն» գերմանիստիկայի ինստիտուտների համագործակցություն
Հայդլբերգի համալսարանի, Իվանե Ջավախիշվիլու անվ․ պետական համալսարանի (Թիֆլիս, Վրաստան) և Վ․ Բրյուսովի անվ․ պետական համալսարանի (Երևան, Հայաստան) միջև
Գերմանական ակադեմիական փոխանակման ծառայության (DAAD) կողմից ֆինանսավորված «Բանասիրություն, տեխնոլոգիա, թարգմանություն» գերմանիստիկայի ինստիտուտների համագործակության ծրագրի (GIP) համար հիմք է հանդիսացել «Մշակութային փոխանակում գրական, լրատվական և մասնագիտական հաղորդակցության մեջ» համագործակությունը։ Թիֆլիսի Իվանե Ջավախիշվիլու անվ․ պետական համալսարանի հետ համագործակցությունը, որը 2018թ․-ից վարում է Հայդելբերգի համալսարանի թարգմանաբանության ինստիտուտը, նպատակ ունի աջակցելու Թիֆլիսի Իվանե Ջավախիշվիլու անվ․ պետական համալսարանի Գերմանական բանասիրության ամբիոնում մշակութային փոխանակման մի նոր ենթաբաժնի զարգացմանը, որի հիմնաքարն է թարգմանությունն ու թարգմանաբանությունը:
2021-2023թթ․-ին իրականացվելու հավանություն ստացած հաջորդ ծրագրի միջոցով համագործակցությունը ընդլայնվեց՝ ներառելով Երևանի պետական Վ․ Բրյուսովի անվ․ համալսարանը։ Այս ծրագրի նպատակն է երկու երկրներում մագիստրոսական և բակալավրիական թարգմանչական կրթական ծրագրերի հետագա զարգացումը ու արդիականացումը՝ մասնավորապես գերմաներեն լեզվի և կորպուսային լեզվաբանության, ինչպես նաև լեզվական և թարգմանչական տեխնոլոգիաներին տիրապետելու հմտությունների ավելի լայնածավալ ինտեգրման, ասպիրանտներին և որակավորված երիտասարդ գիտնականներին աջակցելու միջոցով՝ ստեղծելով ասպիրանտական դպրոց և Հայդլբերգում գիտական հետազոտություն իրականացնելու հնարավորություն:
Այս նպատակներին հասնելու համար Հայդլբերգում, Թիֆլիսում և Երևանում կազմակերպվելու են վերապատրաստման բազմաթիվ դասընթացներ, աշխատաժողովներ և կոլոկվիումներ։ Ծրագրի ժամկետի ավարտին նախատեսվում է հիմնել Գերմանական բանասիրության և թարգմանության ոլորտում ակադեմիական վերապատրաստման միջտարածաշրջանային կենտրոն, որը առկա և առցանց ձևաչափերով երկարաժամկետ ակադեմիական վերապատրաստում կառաջարկի երկու երկրների ինչպես գործընկեր հաստատություններում, այնպես էլ այլ բուհերում։
«Բանասիրություն, տեխնոլոգիա, թարգմանություն» գերմանիստիկայի ինստիտուտների համագործակության շրջանակներում ընթացող գիտահետազոտական ծրագրեր
Դոկտորական դպրոց GIP
Ամփոփ ծրագրի փուլերի մասին
«Բանասիրություն, տեխնոլոգիա, թարգմանություն» գերմանիստիկայի ինստիտուտների համագործակության ծրագիրը գտնվում է իրագործման երկրորդ փուլում։ Հետևյալ աղյուսակում ներկայացված են ծրագրի տարբեր փուլերը՝
| Ծրագրի փուլ | Ծրագրի գլխավոր նպատակները |
| Ծրագրի փուլ I՝ 2018-2020թթ․ |
|
| Ծրագրի փուլ II՝ 2020-2023թթ․ |
|
Ֆինանսական աջակցությունը Գերմանական ակադեմիական փոխանակման ծրագրի կողմից Արտաքին գործերի նախարարության միջոցներով
